DEVS EX CRAPVLA

la vérité un peu louche

2012-05-14T16:31:24Z

Iuvenis sensus novos ardenter petebam. Non solum dico sensus libidinosos vel delicias corporis vel vecordias medicaminum, sed etiam sensus omnes insolitos. Re vera volupates flagitiosas maxima cupiditate quaerebam -- non nego -- attamen nec minus nec magis quam innocuas. Ita, quamvis crapulam peterem, tam sobrietate fruebar ut alia oblectamenta penitus gustarem.

Nam novitates sensiferas explorans aliquando stupra impudice gustavi. Quoniam viator nolebam dolores insolitos praeterire, pudibunda igitur insueta in carceribus tenebrosis, cellulis sordidis, tabernis nocturnis intestabilibus experiebar, ut acerbitate luxuriarer ; nunc spectavi, nunc egi, nunc passus sum. Aut dulce aut asperum haud referebat ; sentire erat finis et summum bonum.

Attamen nunc dolor cottidianus me obsidet, me opprimit, atque primum sensus hebetare desidero.

beluosus @ 2012-05-12T16:28:00

2012-05-12T15:28:36Z

Ferias mensis Maii argentarias quam iucundas egimus. Non solum trium dierum weekend erat, sed etiam Mel laborare die saturni non debuit. Hunc diem igitur arti et scientiae consecravimus. Mel vult stolam scaenicam aedificare (hoc rectius dico quam suere). Primum ad viciniam Camden iimus varia instrumenta partesque petitum. Taberna, cuius merces scrutari volueramus, infeliciter evanuerat. Turcica in popina prandebamus dum consilium novum constabamus. Ad forum covent garden ferrovia vecti sumus ut fortunam inibi apud magnam tabernam artis probaremus. Omnia paene desiderata invenimus : orbes styrofoam factas, cultrum novum, fucum argenteum ad stolam aedificandam. Et nonnulla insuper quoque repperimus. Mel hortata'st egomet materies novo coepto emerem. Argillam igitur et instrumenta formandi emi. His emptis ad librariam Dover ambulavimus, quo librum caelaturarum victorianarum emi, ut picturas fabellae facerem. Deinde apud Forbidden Planet recentissimum librum e serie Love & Rockets praedam cepimus. Reliquum diei in thermopolio linguis serica et graeca studuimus.

Die Solis ferrovia Brighton vecti sumus. Robin nos e loco ferrovia ad tabernam scandinavianam Northern Lights adduxit. horas sermone comiter sumpsimus, ut solemus. Vespere fabulam e Brighton Fringe Festival titulo My Gay Best Friend spectavimus. Solum actor unus mima una in fabula partes agebat ; nomen viri ignoro, sed mima erat Louise Jameson, olim quae partes Leela in serie Doctor Who egerat. Post theatrum nova in taberna potavimus, donec ferrovia Londinium revenire oportuit.

Die Lunae fuit paene imago diei Saturni in speculo : primum in thermopolio studuimus, dein ad artes vorsimus. Gaudeo quod Mel consilium stolae fecit. Bonum est cum ambo artes persequamur, quoniam nobis et auxilium et confirmationem damus.

lapsana vivo

2012-05-08T14:26:51Z

Mensem fere debeo diaetam perseveram ~~pati~~tenere : oryzam, quid herbosum, parum carnem, nihil salsum. Non possum panem edere (neque in circensi !) nec temeta bibere. Re vera, tantam castitatem non vereor, nisi egestatem caffeae. Nescio an possim resistere. O Salus, me necabis&bsnp;!

beluosus @ 2012-05-01T09:15:00

2012-05-01T08:15:50Z

Ut Walpurgisnacht celebraremus, in taberna istius Last Tuesday Society spectaculo laternae magicae, e serie Hendrick's acroasium adfuimus.

Cecile hortata erat mature adveniremus ut tabernam exploraremus. Ita horam paene exploratione sumpsimus, per thecas ossium cadaverorum insolitorum &ceterorum plenas ambulavimus. Congeries est magna et varia, sed talem iam vidimus ; nescio si hoc iudicium aut ad nos aut ad congeriem attineat. Deborah, amica Mellis e V&A, nobis convenit ad spectaculum spectandum. Utinam eam saepius invisamus.

Professor Mervyn Heard spectaculum agebat. Duobus ingentibus laternis orichalchi utebar, et omnes eius patellae vitrei (anglice slides) erant antiquae, e quibus antiquissima erat ex aetate Napoleonis. Historiam spectaculorum ab saeculo XVII ad XX narrabat, vero magis Clio quam Melpomenen colebat. Valde gavisi sumus pompa imaginum et ridicularum et horriferarum. Olim phantasmagorian verum spectare valde desidero.

...

Hora veneficiarum tempestas subito coorta me a somno suscitavit. Tonitrum resonabat, fulgur coelum inluminabat, imber tectum verberabat. Sabbata videlicet magna et Londinii sagae celebrabantur.

beluosus @ 2012-04-30T13:03:00

2012-04-30T12:03:12Z

Si non valeo, non scribo. Immo quoque dicam invicem : si non scribo non valeo, quoniam desidia mihi nocet. Sed morbus calamum superat, quod mentem hebetat animumque opprimit. Porro, ut putam, nemo vult narrationes de socordia e lectulo scriptas legere, neque avidissimus quidem fautor istius Proust.

Eheu hebdomadem cunctam aegrotans perdidi. Saltem morbus non ortus est donec nuptiae amicorum celebratae essent. Postero deinde die Lunae medicam invisi ut medicamen adeptus sim. Remedium acerbius morbo.

overheard in London

2012-04-20T11:35:27Z

« Verum est ! inquit, verum ! Hoc solum est verum, quod habeo ; omnia reliqua sunt plastica. »

Mane in subterranea (sc. ferrovia) haec verba audivi feminam quandam soldali suo loqui. Primum putavi eam haec de libro dicere, quippe legebam ego codicillum papyri (quem obiter e bouquiniste sinistra in ripa Sequanae emeram), dum homines machinis Kindle iPad iPhone &c legentes mihi circumdabant. Denique cognovi eam de gemma in annulo locutam esse. Sed ista sententia certe multa de vita hodierna exprimit.

beluosus @ 2012-04-18T16:40:00

2012-04-18T15:40:24Z

Ἐσκεψάμην ποτε ἐν γεφύρᾳ τινὶ ἐν τῷ τοῦ Διδασκαλείου οἰκοδομήματι συγκαθῆσθαι κύκλῳ ἀνὰ πέντε καὶ δέκα μαθητὰς. τὰ δὲ μαθήματα πρὸ τῶν χειμερινῶν ἑορτῶν τέλος εἰχον, ὡς οἵδε οἱ μαθῆται τὴν πᾶσαν ἡμέραν ἐκεῖ ἐσχολάζον τῷ λάλειν. οἰμοιμοί ! αὐτους τῆς εὐλευθερίας καὶ τῆς ῤᾳστώνης ζηλῶ. οὐ μὲν νομίζω με γέροντα, τοὺς δὲ μαθητὰς θεώμενος τὴν ἥβην ὀδύρομαι. τὰ γὰρ τὰ αὐτῶν μελήματά τε καὶ σύννοιαί τε φροντίδες οὐκ εἴσιν ὁμοῖαι τοῖς ἐμοῖς. οὐδαμῶς καλλύνω τὸν τοῦ μαθητοῦ βίον, οὐδ' αὐτῶν οὐδ' ἐμὸν ἀποβληθέντα, ἀλλ' ἀμφοτέρως ἢ ζῶν ἢ βιοὺς οὐκ ἐνδοιάζω αἱρεῖσθαι τὸν ἐν διδασκαλείῳ βίον ἀντὶ τοῦ ἔξω. ἑαυτοὺς δήπου νυν καθιερῶσαν ταῖς Μούσαις · τοιούτου τοῦ βίου φθωνῶ.

Emilie Autumn apud Electric Ballroom

2012-04-15T18:31:52Z

Ad tabernam nocturnam The Electric Ballroom invicinia Camden iimusut spectaremus Emiliam Autumn canere. immo, magis spectaculum egit quam cecinit ; omnia infra explicabo. cum advenissemus agmen exspectatoruma tabernae ianua ad imam viam et trans quadrivium sinuebat. Tandem moveri coepit, quo tempore Alex et Valeria, qui e fenestra tabernae propinquae turbam immotam intuiti erant, nobis convenerunt. Si spectacula, eis inquam, general admission, nisi in taberna minori quam diaeta nostra, arcemus. Faciliter custodes constituerunt solum saccos scrutari, nec (ut solent) membraet truncum defricare ut arma vel medicamenta exquirerent. Si quis tessaram tulit,nutu custodum progressus est. Cerevisiis vilibis emptis lentule per turbam navimus conspectum scaenae idoneum petitum. Heu, difficile visu ; puellae feliciter caligas « suggestas » (anglice platforms) gerebant. denique (hem, duo post incepta falsa) spectaculum incipiebat.

Apparebant in scaenam Emilie suis cum sodalibus, nomine The Naughty Veronica, The Blessed Contessa, Captain Maggots, de tergo scrinii rotundi perlucidique. Videbantur numina burlesqua,bella etterribilia. Nunc sicut nymphaesaltabant, nunc maenades. Ludiae licentia luxuriabant (ἢ λεσβιάζουσιν). Vox Emiliae magna vi deleniebat et stridebat ; perita est cantatrix et eximia musica classica (obiter dictu : CD eius in quo opera Bach, Corelli &c violina canit maxime amo). Nonnulla inter carmina IIve IIIve post scaenam evanuerunt ut vestimenta mutarent, dum reliqua orationem habebat. Medio spectaculo Tea Time nuntiatum'st. Mensa placentis plenam in scaenam protulerunt. Theam in scaenam libabant, in spectatores fundebant, et placentas iaciebant. Carmen veteri modo Kabarett cecinit Emilie transvestita. Postea Veronica (inter carmina videlicet) rogavit spectatores evocatam, puellam quae numquam aliam basiavit, ut scaenam ascenederet et osculo « corruptam » sit. Non pulcherrimam eligit, quam comitatem inexspectatam videtur. Magnopere basium plasum'st. Evocatam dein post scaenam misit, et Eas, inquit, poste retinere malo -- in carceribus. In fine, inter carmina encores Emilie sermonem ex tempore habuit. Turbam sescenties laudavit, quod insolite vivit et vestit, ac senes et iuvenes una congergantur. Dulciter tota corde locuta'st. Erant qui mollitiam profusam respuebant, sed ego verba libenter recepi. Societatem nostram subterraneam colamus oportet. Cum spectatoribus suasisset ut ultimum carmen canerent, sincere admirabatur, quod omnes verba noverunt. Censuram tamen unam proferam ; non satis violinam cecinit.

Pascha, sive Easter bank holiday

2012-04-11T16:19:46Z

Die Veneris ferrovia ad oppidum Welwyn Garden City vecti sumus, quod Gary et Lorena nos nova in diaeta sua ad cenam invitaverunt. Toto paena die colloquia de fictione scientifica gerebamus dum temeta hispanica potabamus.

Die Saturni Alice apud nos revenit. Cum patre et patruelibus II in taberna Shaftesbury prandimus. Sex ferme annos Mercedes non vidimus -- nunc paene adolevit. Post prandium alii sua officiola petierunt, nos III (sc. ego et sorores) tres horas liberas habuimus.

Nempe Oliver diem natalis in taberna quadam in vicinia Stoke Newington vespere celebrari volebat. Iter in rete quaesiimus ; TFL dixit aut horam per et laophoros II et ferroviam aut semi-horam peditem. Itaque ad orientem ambulavimus.

Frigus erat dies, sed in finibus Stoke Newington thermopolio amoeno obviam iimus, hippiorum propitiorum pleno, grato et commodo, quo hipsteres non iam invaserunt. Frigore caffea abalienato per vias et horos publicos iter pergimus, ut denique (ac mature) ad tabernam adiremus.

Multi comoedi, et Oliver ipse, orationes dederunt. Musici cecinerunt et nonnulli DJ ictus rave-enses fecerunt. Pauci, ut videtur, eius amici eandem musicam amant quam Oliver -- infeliciter.

Die Lunae in caffeo prope Russel Square, ut solemus, studuimus. Mel librum exercitationum sericorum finiit. Ego fabellam aegyptiam elaboravi. Hebdomades alserat, quod Camenae tacuerant, sed deae delectabiles denuo me stimulaverunt.

Vespere in theatro Old Vic fabulam The Duchess of Malfi Iohannis Webster spectavimus. Eximie nos delectavit. Scaena erat opulentissima, et quam callide facta. Omnes actores mirifice agebantur. Fabula ipsa, de qua nihil praeterea cognoveram, est summa tragoedia iacobeana, genus valde simile tragoediis Senecae (cuius mentionem videlicet in libello et imaginem conspexi). Parte prima tenaciter anxietas crescat, dein parte secunda cruor ubique erumpit. « I serv'd your tyranny, and rather strove / To satisfy yourself than all the world: / And though I loath'd the evil, yet I lov'd / You that did counsel it... » (Tyrranidi tuae inserviebam, immo studebam tibimet magis quam toto mundo satisfacere, ac nihilominus a malo abhorrebam, te amabam qui malum suaderet).

Lutetia V - Musée Guimet

2012-04-08T19:11:19Z

iaspera neolithica

custos sepulchri

pars equi ornamentorum

custodes sepulchri

custodes sepulchri

custos sepulchri

caput felineum

Mel cum rege coelesti

bodhisattva ex Afghanistano (valle Ghorband)

Guanyin (bodhisattva Avalokiteśvara) cum brachiis M oculisque M

monacus

persona thibetana

nadi-(rubera) dakini

dakini saltans

Lutetia IV - Cimetière de Montmartre pars altera

2012-04-08T18:45:40Z

Lutetia III - Cimetière de Montmartre pars prima

2012-04-08T18:38:57Z

Lutetia II - Musée National du Moyen Age

2012-04-08T18:23:58Z

aula musei

gargouille in puteo

corpora regum Iudaeae...

...et eorum capita

damnatio memoriae ?

frigidarium

Ceraunos

Flavius Claudius Iulianus (apostata)

reliquiarium

resurrectio postrema

dea Arithmetica

S Paulus

circoncisio, cum Maria videlicet secundum Moebius

S Odilia

Lutetia I

2012-04-08T17:16:22Z

e fenestra deversorii

Vesperi Lutetiam advenimus. Ab aeroporto Charles de Gaulle ad locum ferrovialem Nord ferrovia celera, e quo dein métro ad locum Jules Jofrin in vicinia Montmartre (XVIII^ème) vecti sumus.

vesper montmartrensis

Deversorium invenimus et sarcina relicta vias exploravimus. Nocte clara vernalique fruebamur dum collem minutatim ascendebamus, iter alietorie per vias angiportosque facientes. Nonnullas librarias praeteriimus, quarum in pugillaribus nomina situsque notavimus ut die revenerimus. Totum paene populum inpavimento coram thermopoliis et tabernis vidimus bibentem. Dies erat Lunae, quapropter photomachina picturam Selenae cornuum capere conatus sum, scilicet cum Venere volitantem inter aedificia montmartrensia.

Sacré Coeur

Die Martis secundum mores ad forum St Michel in ripa sinistra iimus bibliopolas petitum. Cunctum igitur diem librarias nobis solitas quaesivimus et per Sequanam huc illuc ambulavimus ut tabernaculas bouquanistarum investigaremus. Quot thesauros repperimus !

prope métro Jules-Jofrin

St. Séverin

Die Mercurii Museum Cernuschi invisimus. artes inibi sericorum antiquorum ostenduntur, ab potestatibus Shang et Zhou per aetatem Regnorum Bellantium usque ad potestates Tang et Song : annos M ante bellum Troiae usque ad MM a.u.c., quae historiae sericae saecula sunt Melli dilectissima. Omnia mihi indicabat explicabatque ; tam docta est quam pulchra.

Vrbem postea perambulabamus. Prope turrem Eiffel casu iimus. Re vera museum ibi invisere voluimus, infeliciter clausum. Ad Montmartre revennimus, caffeam adepti sumus quam in mensa in pavimento epotavimus, deinde collem ad ecclesiam Sacré Coeur ascendimus. In hortis ab ecclesiae tergo nunc sedimus, quo narratiunculum adhuc compono.

...

Quod die Mercurii photomachinae eheu oblitus sum, die Iovis de industria multas picturas feci. Sol infeliciter de coelo radios ardentes in Vrbem iacebat. Frigus in umbris manebat, sed viae fora horti calore luceque Helii candescebant. Perpaucas igitur photographas sub divo feci quoniam vernalia non me delectant, misellus gothicus qui sim.

aula musei

Nam mane die Iovis ad museum Medioaevalis progressi sumus, quod situm'st in ruinae thermarum romanarum et abbatiae Cluny. Museum vere gavisi sumus, attamen ambo consentimus vitam medioaevalem nos haudquaquam deceret. Cum mense Decembris exhibitionem de inluminatis codicibus manuscriptis apud Bibliothecam Britannicam invissemus, quo casu cognovissem me ancien vel moyen français intellegere posse, volebam epodem francogallicum perlegere, et museo Lutetiae inviso desiderium istud magis crescebat.

in frigidario

Itaque ad librarium Gibert joseph maximam (e septem in vicinia St Michel) ut in « pochothèque » (thecis codicillorum livres de poche dedito), quod summum tabulatum totum insidit, opus quaererem. Multis consideratis in fine librum Le conte du Graal, ou le roman de Perceval Christiani de Troyes eligi. In mensa prope thecam librorum medioaevalium librum carminum oratione soluta scriptorum Renati Char Fureur et mystère, quem olim Lutetiae legi et abhinc exemplar mihimet volebam, inveni. Libri inibi novi et alieni (neuf et d'occasion) venduntur. E summo acervo librum alienum carpsi, paginas breviter inspexi ut statum cognoscerem. Sub tegmine locum ex actis diurnis exsecatum inveni, qui editione operum Char omnium nuntiat ; antiquitatem loci ignoro, sed adoptionem pecuniae Euro praecedit. Nescio quid presagit. Omen secundum tamen facilius interpretarer : inter paginas trifolium siccum IV cum folio inveni. Interibi Mel libros sericos librosque francogallicos de seribus nancta'st.

a tergo musei in hortis

In hortis Square René Viviani post ecclesiam Saint-Julien-le-Pauvre sedimus, e quibus trans flumen Notre Dame vidimus. Postea in hortis post museum Medio-aevalis cenavimus.

Saint-Julien-le-Pauvre

Rue St Séverin

Die Veneris sepulchretum Montmartre invisimus. Sine consilio per necropolin ambulavimus, quod sepulturas auctorum praeclarorum olim inveneramus. Attamen coram sepulchro Henrici Heine demoorati sumus ut carmen in marmore legerem. Media morte in vita sumus ; pax sepulchreti omnes sonos urbis non celabat. Porro aedificia vetera coram necropoli restituabantur, nova aedificabantur. Cum muros in margine appropinquavissemus, unum ex operarum numero auscultabamus canere ; melos arabicum trans campum sepultarum volitabat.

Multis quoque veneficiis vel famulis earum obviam iimus. Vero minus aderant feles ; veremur ne inquisitio quaedam ferrove venenove numerum diminueret. Comes saltem nos salutabant ut mulcerentur. Et aves non fugaces, quae olim photomachinam arcebant.

Defunctis invisis ad viciniam opulentem progressi sumus. Caffea valde carebamus sed elegantiae loci causa thermopolium idoneum frustra paene petiimus, quippe non sumus optimates nec turisti soliti qui €8 café crème dispensemus.

église Sainte-Marie-Madeleine

Tabernam denique invenimus quo pretiis rationalibus frueremur, quoniam etsi in Boulevard Malesherbes sita'st, nec Église Saint-Augustin de Paris nec La Madeleine (ecclesia S Mariae Magdalenae) exinde videri possunt. Animis caffea iterum accensis ad Pinacothecam iimus.

Tabulas hic illic per Vrbem conspexeramus quae exhibitionem de personis Mayarum iasperis nuntiabant, quae nos facile pellexerunt. Multae inibi personae stelae fictiles funeraria a Mexicone numquam adhuc discesserunt. Quam mirum ! et quam fortunam ! Permultale tabulae longis locis historiam mores religionem &c. Mayarum explicabunt, ut spectatores omnia visenda intellegerent. Sentimus sicut nos librum de Mayis magis quam titulos musei legisse. Re vera exhibitiones Musei Britannici ita superat.

properat Mel in Museum Guimet

Die Saturni mane ad museum Guimet revenimus. Exhibitionem de « saxis litteratorum », i.e. saxa quae litterati serici colligebant ut meditarentur. Postea per exedras rerum sericorum cucurrimus. Infeliciter ad aeroportam mox debuimus.

e fenestra musei

praeda

mare nubilorum

beluosus @ 2012-03-26T09:43:00

2012-03-26T08:43:47Z

Occupatissimus. Nescio quo vacem scribendo. Iter vocat.

beluosus @ 2012-03-20T13:51:00

2012-03-20T13:52:01Z

Vespere die Veneris ferrovia Cantabrigium vecti sumus, ut eventum Robin Ince’s bad science book club, partem Feriarum Philosophiae Naturalis Cantabrigensium, spectaremus. Simon in theatro nobiscum convenit, et vinum bibentes comiter fabulas et litteras ante spectaculum disceptabamus. Locuti sunt Robin et sodales eius III, physicista Jim Al-Kalili, comoeda Josie Long et scriptor Alan Moore, de planis de scelestis de hominibus omnium generum fraudulentis qui vel scientiam occultam habere vel suis sententiis philosophiam naturalem superasse iactarent. Primum (et inter alios) sermonem dedit Robin Ince, et locos ridiculis ex libris ridiculos legebat ; Von Daniken e.g. probat alienos extra-terrenos Mesopotamiam invisisse quod caelatura babylonica dipingit feminam antiquam quae subligacula hodierna gerit ! Jim Al-Khalili epistolas antiqua machina dactylographica scriptas ostendit, quas decem annos vir furens ei mittebat. De usu et abusu mechanicorum quanticorum quoque loquebatur. Josie Long varia de medicina fallaci narrabat, occursum praecipue cum acupuncturista. Alan Moore fassus est suam adsiduitatem tales inter fautores philosopiae naturalis insignes insolitam videri ; quoniam, inquit, pupam anguis antiquam veneror, sed et hac de causa bonum sum barometrum nugarum. Deinde in Carlos Castanedam oravit. Omnes IV oratores pergratos antea spectavimus, iterum spectabimus.

Die Saturni calamum bambusae emi, quo melius characteres hieraticos scribere possem. Atramentum rubrum quoque nanctus sum, quo capita inciperem. Donum uxoris diei natalis secundum dein emi, de quo silebo ne cognoscat.

Die Solis consilium itineris fecimus. Nescivimus quo peregrinari voluerimus. Multas urbes consideravimus, sed in fine consituimus Lutetiam revenire. Parabamus francogallice legendo : Mel bandes-desinées nonnullas perlegit, ego librum magnum. Peliculas quoque goddardenses spectamus.

beluosus @ 2012-03-15T17:31:00

2012-03-15T17:31:18Z

Heri vespere post cenam ad tabernam Shaftesbury ambulavimus. Nebula vias urbis obsidebat, ut umore frigoreque tremeremus. Comis tamen ignis in taberna ardebat. Cerevisiis igitur emptis prope focum sedimus. Optima erat nox ad librum pictum illo de indagatore incuborum Dylan Dog legendum.

beluosus @ 2012-03-14T17:31:00

2012-03-14T17:31:09Z

Nuper situm Goodreads consociavi. Libros perlectos situ Anobii duos fere annos enumeravi, sed istum dereliqui quod saepius cum librum addendum postulavissem --librum boiohaemice scriptum praecipue-- negabat. Honorem bibliothecarii apud Goodreads attigi ut libros adderem ; nunc lacunas thecae retiali replere possem. Postea fortasse alios meis libros subsignabo, saltem quos Londinii legi. Infeliciter solo anno MMDCCLX lectionem notavi, attamen si thecas scrutatus ero et mentiones in ephemeride nonnullas pervestigavero maximae eorum partis, nisi ferme ordinatim, recordabor. Videlicet simpliciter gaudeo omnia volumina, sicut amicos veteres, revisere.

beluosus @ 2012-03-13T16:53:00

2012-03-13T16:54:00Z

Nocte diei Saturni constitui iterum Reptile apud the Minories probare. Vere e tabernarum nocturnarum numero dilectissimus mihi est locus ille : cum e loco ferroviali discedo statim et Turrem Londiniensem et murum romanum, coram quo stat imago divi Traiani aënea, conspecto. Atque taberna ipsa gratissima, quoniam inibi colloquia super musicam auscultari possunt, quapropter alia vitia libenter praetermitto. Nam musica, in principio pracipue, placebat. Eheu, aderat unus DJ ut hospes, qui musicam techno atrocem cecinit ; media nocte quidem solum saltatorium vastavit, ac nemo colloquebatur quin istum abominaretur. Praeter hoc non queror. Turba in genere melius facta'st, proprie getarum congeries neque alienorum. Cum advenissemus Paul nobis obviam iit. Cum eo et Jessamy, qui diu non viseramus, in mensa adsedimus ut horas percomiter conloquebamur. Postea Liana & Jeff venerunt. Credo nos sat gavisos esse ut iterum adire vellemus. Atque bonum'st, quod multi nostrorum adire solent.

beluosus @ 2012-03-08T10:03:00

2012-03-08T10:03:26Z

Nuper otium nugis puerilibus impleo ; malim studiis et arte. Fabellam perscribere velim, et codicem novum glutinare, et carmina componere, et tractatus philosophicos animadvertere, et sculpturam facere, et, et, et... sed gerenda sino algere. Pro certo invite, nihilominus omnia nisi ludos seponebam. Otio igitur haud bene fruor, quod memet fruentem culpo. Mel sapienter hortata'st ne sollicitarer, ne laetitiam simplicem spernarem. A ! auscultarem !

distichon hendecasyllabum

2012-03-02T14:46:23Z

Ὅσῳ μᾶλλον ὀδύρομαι μονάζων
Φίλους μᾶλλον ἀλεύομαι τοσούτῳ

beluosus @ 2012-02-27T17:30:00

2012-02-27T17:30:38Z

Diem Saturni Solique Mel mecum egit ; nescio quot hebdomades solum unum una diem nuper egerimus. Nihilominus vveekend nostrum celeriter elapsum'st, sed et lentius quam solet.

Nocte die Veneris peliculam Night of the Living Dead secundam (a.u.c. MMDLLXLIII) spectavimus. Rarum est peliculae exemplar, quod melius fit quam primigeno.

Die Saturni mane (immo meridie) domo discessimus urbis centrum petitum, quo tabernas Ork's Nest et Forbidden Planet invisimus, quod ludos personarum et libellos pictos legere volebamus -- plus de hoc infra. Deinde ad caffeum in vicinia Bloomsbury, ut solemus, iimus. Mel diligenter serico libello picto de Daimonis ossium candidorum studebat dum fabellam aegyptiam scribebat, cuius paginam quintam perscripsi.

vespere flumen transiimus ad Greenwich, quo in theatro cum Nim amicoque eius quodam, musico Carl nomine, convenimus. Fabulam Kafkae Iudicii spectavimus. Hem... recentiori modo fabellam in fabulam mutaverunt dramaturgi. Nam actores vehementissime partes agebant, summa vi movebantur loquebantur cantabantur quidem, sed et praeter necessitatem, praeter natruam sicut pantomimi omnia exaggerbant. In loco metus kafkensis alienationisque erat comoedia vilis. Carmina -- deorum gratia syllabis sine verbis -- aliquando cantabant, inter alia audivimus Black Coffee, Yesterday, All I Have to Do is Dream, Puff the Magic Dragon. Post fabulam in taberna theatrum recens disceptavimus. E nobis erat solus eius fautor unus ; ei non solum mirabilia fabularum graecarum exposui, sed et edisserui theatrum recens, ut opinor, ab annis 60s nil novi protulisse.

---

Prodigiis non credo, attamen iter ad Ork's Nest et Forbidden Planet somnium vero fatidicum secutum est. Somnia eadem mihi non recurrunt, nisi per argumenta ; e.g. monstra me venantur, amicullae mecum rixantur, &c. &c. Aliquando, usque a pueritia, somnio me dilectissimis vel ludis vel crepundiis in taberna quadam abstrusis obviam ire. Numquam videlicet haec in mundo vigilorum vere exsteterunt, sed semper sunt, saltem mihimet, iucundissima : vix pretiosa vix ornatissima immo saepius vetera pulverulentaque sicut annos in oblivione imis in thecis iacerent. Itaque, credo die Lunae, somniavi me collem ad Highgate ascendisse, quo tabernam magnam ludis personarum libellisque pictis plenam conspexisse. Eam exploravi. Permultae aderant mensae, singulae multis cum arcis cartae durae libellos continentibus. Alibi ferrea in theca acervum libellorum ludi personarum Traveller antiquorum inveni. Constitui Melli de his thesauris statim loqui illamque mox adducere. Sic somniavi. Vigil Melli enim somnium enarravi, ut hortaretur iter verum faceremus. Sapientissima puella !

Num ars vitam simulat ?

2012-02-25T10:38:16Z

Mane dum Euripidis fabulam Hyppoliti lego, repente sententia mihi mentem percussit : graecine antiqui, cum nuntios cladesve victoriasve nutiantes accepissent, saepius a spe destituti sunt ? Quoniam in theatro ac apud Homerum nuntius summa eloquentia loquitur, quam perraro cottidiane audimus.

Quid opinamini, O cari lectores, O caraeque lectrices ? Exempla III huius thesis proferam. Fingamus primum proelio pugnato militem quendam his verbis suo imperatori victoriam nuntiare :

« Ἡ μὲν ἡμέτερα στρατία ἡτοιμάκει μάχεσθαι, ἡ δὲ τῶν πολεμίων οὔ. πολλοὺς ἀργείους ἐκτείναμεν, ὥστε οἱ λοιποὶ ἔφυγον. »

Nihil mirandum. Conferamus tamen verba huius nuntii apud tragoediam :

οἳ δ᾽ εἰς ὅπλ᾽ ᾖσσον · εὖ δέ πως προμηθίᾳ
καθῆστο Κάδμου λαὸς ἀσπίδων ἔπι ·
κἄφθημεν οὔπω τεύχεσιν πεφραγμένον
Ἀργεῖον ἐσπεσόντες ἐξαίφνης στρατόν.
κοὐδεὶς ὑπέστη, πεδία δ᾽ ἐξεπίμπλασαν
φεύγοντες, ἔρρει δ᾽ αἷμα μυρίων νεκρῶν
λόγχαις πιτνόντων.

(Euripidis Phoenissae 1466-72)

Quis imperator velit illud nuntium recipere, si nuntium hoc audire possit ? Apud tragoedios, et morituri suaviloquenter orationem ultimam pronuntiant, tam pulchram quam sermonem nuntii ipsius. Recordemur horribilis mortis Hippolyti, cum taurus a Neptuno missus quadrigam evertit :

ἐς τοῦθ᾽ ἕως ἔσφηλε κἀνεχαίτισεν
ἁψῖδα πέτρῳ προσβαλὼν ὀχήματος.
σύμφυρτα δ᾽ ἦν ἅπαντα: σύριγγές τ᾽ ἄνω
τροχῶν ἐπήδων ἀξόνων τ᾽ ἐνήλατα,
αὐτὸς δ᾽ ὁ τλήμων ἡνίαισιν ἐμπλακεὶς
δεσμὸν δυσεξήνυστον ἕλκεται δεθείς,
σποδούμενος μὲν πρὸς πέτραις φίλον κάρα
θραύων τε σάρκας, δεινὰ δ᾽ ἐξαυδῶν κλύειν ·
« Στῆτ᾽, ὦ φάτναισι ταῖς ἐμαῖς τεθραμμέναι,
μή μ᾽ ἐξαλείψητ᾽: ὦ πατρὸς τάλαιν᾽ ἀρά.
τίς ἄνδρ᾽ ἄριστον βούλεται σῶσαι παρών ; »

(Euripidis Hyppolyti, 1232-1242)

Etsi summus rhetor esset nuntius, non posset tali eloquentia Hippolytus saxis fractus loqui. Verisimiliter ita nuniasset :

αὐτὸς δ᾽ ὁ τλήμων ἡνίαισιν ἐμπλακεὶς
δεσμὸν δυσεξήνυστον ἕλκεται δεθείς,
σποδούμενος μὲν πρὸς πέτραις φίλον κάρα
θραύων τε σάρκας, δεινὰ δ᾽ ἐξαυδῶν κλύειν ·
« ΑΑΑΑΑΑΑΑΑΑΑΑΑΑΑΑΑΑΑΑΑΑΑΑ
[ΑΑΑΑΑΑΑΑΑΑΑΑΑΑΑΑΑΑΑΑΑΑΑΑ]*
ΑΑΑΑΑΑΑΑΑΑΑΑΑΑΑΑΑΑΑΑΑΑΑΑ
ΑΑΑΑΑΑΑΑΑΑΑΑΑΑΑΑΑΑΑΑΑΑΑΑ !»

(ibid, 1236-1243)
* 1241 delevit Scaliger

Fortasse nuntius quidam verbis epicis sermonem suam fucaret. Iterum fingamus proelium saevum, post quem bellator quidam familiae sui commilitis occisum enunitare debet :

ΑΓΓΕΛΟΣ ὦ γύναι, ἐπέμφθην σοι τὸν υἱὸν ἀγγελειν · τοῖς πέρσαις μαχόμενος ἔπεσεν.

ΜΗΤΗΡ αἰαί !

ΑΓΓΕΛΟΣ τολμηρῶς ἐμαχέσατο, ἀλλὰ βάρβαρον δόρυ τὸ κέαρ διεπέρασεν.

ΜΗΤΗΡ ἰὼ ἰώ ! ὦ τλῆμον !

ΑΓΓΕΛΟΣ ἐὰν πραΰνει τὰ δακρύματα, λέξω ὅτι ὁ σὸς υἱὸσ ἦν ἐυκνήμις.

ΜΗΤΗΡ ὠμοί μοι ! εἰ χαλκοθώραξ ἔφυ, οὐκ ἀπέθανεν !

beluosus @ 2012-02-23T17:30:00

2012-02-23T17:30:36Z

Die Mercurii in libraria Treadwells Liana orationem de isto Picatrice dedit. Mature apud bibliopolam advenimus, ut in thecis thesauros exquiremus -- neque frustra, quod Mel librum de astrologiam sericorum invenit, ego librum Samueli Mercer de mundi propositionibus secundum aegyptios antiquos, cuius enim auctoris librum de lingua aegyptia in sarcina habebam, illum librum qui olim me linguam docuit. Cecile mihi donum, librum francogallicum de Babylonia Mesopotamiaque, dedit, quem apud suam librariam ab exitio servaverat.

Fere horam locuta'st, etsi verita erat ne non satis praeparavisset -- mihi confessa'st se vix orationem composuisse anteaquam domo discessisse. Nil timere debuit ; dissertissime historiam ac intellectionem protulit. Non omnia isto in libro mysteria enodare potuit, immo nemo tam pusilli tempore possit. Sed librum coarctavit ut spectatores bene illius philosophiam astrologiam carmina ritus praxeis gustarent. Invocationem Mercurii recitavit, quae turbam vere defixit ; multos postea susurris reverentibus audivi hoc dicere.

Post orationem, ut solent, rogationes spectatorum. Primum Christina (quoque ut solet) oratricem interrogat, deinde alii rogare possunt. Ego videlicet, Latine, inquam, Picatrix sese nigromantiam tractare fatetur... hem amici nostri verbo latine ridebant.

Post rogationes in subsolio omnes colloquentes cum vino morabantur. Longe cum Robino garriebamus. Longe -- qua de causa nescio -- buddhismum eiusque divisiones, syncretismum, diffusionem apud europeanos praecipue tractebamus. Nuper me taedebat, inquit, lectio sermonis patrii -- ut verisimiliter intelligis.

Quidam vir Lianam rogabant num linguam arabicam didicerit ut Picatricem legere posset ; quam comiter ei explicavit sese arabam, sed maxima nostrorum pars cachinavit.

Ad tabernam propinquam cum Liana & Jeff, Cecile & Simon, et alio amico Lianae (qui Bristoli historiae renascentiae studet docetque) iimus, quo multa nocte colloquio doctarum nugarum et cerevisia frueremur.

beluosus @ 2012-02-20T17:10:00

2012-02-20T17:10:24Z

Die Iovis pessimo in theatro fabulam spectavimus. Vero et fabula displicebat. Attamen actores plerumque bene agebant... phy. Die Veneris cum amicis Emma & Tina & amicullo Tinae in taberna convenimus. Nihil ullius momenti, nisi amicitia fruebamur. Sed et haec multa refert, ut malim nominum amicarum quam fabulae recordari.